Ramil Şeydayev: “Biz bura elə-belə gəlməmişik”

Millimizin hücumçusu Ramil Şeydayev Serbiya millisinə qarşı keçirəcəkləri 2022-ci il dünya çempionatının seçmə oyunundan öncə mətbuat konfransında oyun haqda fikirlərini bölüşüb.

Allsport.az xəbər verir ki, təcrübəli futbolçu bunları deyib:

“Qrupda itirəcək bir şeyimiz yoxdur. Ölkəmiz, ailəmiz, azarkeşlərimiz üçün oynamalıyıq, var gücümüzlə mübarizə aparmalıyıq. Biz bura elə-belə gəlməmişik. Ümid edirəm ki, sabah bizim üçün hər şey yaxşı olacaq. Çalışacağıq öz oyunumuzu oynayaq və qələbə qazanaq”.

Sabah oynanılacaq Serbiya – Azərbaycan qarşılaşması Bakı vaxtı ilə saat 22:45-də start götürəcək.