Ramil Şeydayev premyer-liqanın TOP-5-liyinə düşüb

Rusiya premyer-liqasında mart ayının ən yaxşı oyunçusu müəyyənləşib. Allsport.az saytı xəbər verir ki, Vkontakte sosial şəbəkəsinin rəsmi səhifəsində aparılan sorğunun nəticəsinə əsasən, “Zenit”in iranlı hücumçusu Sərdar Azmun 49.46 faizlə (20.834 səs) ən yaxşı oyunçu seçilib. 

Səsvermədə 5 futbolçunun adı yer alıb. Onların sırasınsa millinin “Krılya Sovetov”da çıxış edən forvardı Ramil Şeydayev də var. Ötən ay “Lokomotiv”, “Yenisey” və “Anji” ilə matçlarda qol vuran həmyerlimiz TOP-5-liyə daxil olub – 2.37 faiz (999 səs).