Ramil Şeydayev “Trabzonspor”da debüt matçında qol vurub

Türkiyə kubokunda 2-nci mərhələnin oyunları keçirilib. Allsport.az saytı xəbər verir ki, Azərbaycan millisinin hücumçusu Ramil Şeydayevin çıxış etdiyi “Trabzonspor” aşağı liqa təmsilçisi “Sərhad Ərdaxan” klubu ilə qarşılaşıb.

Oyun qara dənizlilərin 6:0 hesablı qələbəsi ilə başa çatıb. Həmterlimiz bu görüşdə yeni komandasının heyətində ilk rəsmi matçına çıxıb. O, 64-cü dəqiqədə meydana girib.

Millimizin forvardı üçün debüt matçı uğurlu alınıb. O, 85-ci dəqiqədə komandasının sonuncu qoluna imza atıb.