Riko: “Bu çətin günlərdə mənim yanımda olan hər kəsə təşəkkür etmək istərdim”

Allsport.az xəbər verir ki, PSJ-nin qapıçısı Serxio Riko sosial mediada ilk paylaşımını edib.

29 yaşlı futbolçu mayın sonundan atdan yıxılaraq travma alıb və xəstəxanaya yerləşdirilib. Mətbuatın yazdığına görə, qapıçıya beyin qanaması diaqnozu qoyulub. O, 19 gün komada olub, iyulun 4-də reanimasiyadan adi palataya köçürülüb.

“Bu çətin günlərdə mənim yanımda olan hər kəsə təşəkkür etmək istərdim. Sağlamlığımı bərpa etmək və hər gün daha yaxşı olmaq üçün işləməyə davam edirəm.

Özümü çox şanslı hiss edirəm. Hər kəsə bir daha təşəkkür edirəm və tezliklə görüşmək ümidi ilə” – Riko yazıb.