“Roma” Cənubi Koreyaya səfər edəcək

Allsport.az xəbər verir ki, “Roma” mövsümlərarası fasilədə Cənubi Koreyaya səfər edəcək. Paytaxt təmsilçisi Asiya turu çərçivəsində 3 yoldaşlıq oyunu keçirəcək.

İyulun 29-u, şənbə günü “Roma” “Vulverhempton”la qarşılaşacaq. “A” seriyası təmsilçisi çərşənbə axşamı, avqustun 1-də Koreyanın “İnçon Yunayted” komandası ilə üz-üzə gələcək. “Roma”nın 3-cü rəqibi “Tottenhem” olacaq. Bu komandalar iyulun 26-da Sinqapurda qarşılaşacaqlar.