Romeluya ildə 23 milyon avrodan çox maaş təklif olunub

Romelu Lukaku Parisdə “Əl Hilal”ın nümayəndələri ilə danışıb.

Allsport.az xəbər verir ki, mövsümü icarə əsasında “İnter” də keçirən “Çelsi”nin hücumçusu bazar ertəsi komandanın Səudiyyə Ərəbistanından olan menecerləri ilə mümkün transferi müzakirə edib. 

Ona mövsüm üçün təxminən 20 milyon funt-sterlinq (demək olar ki, 23,4 milyon avro) təklif olunub.

İngiltərə təmsilçisinin sahibi Tod Bouli keçən həftə Yaxın Şərq ölkəsini ziyarət edib və “Əl Hilal” rəhbərliyi ilə görüşüb. 

Hücumçu ötən mövsüm “A” seriyasında 25 oyuna çıxıb və 10 qol vurub.