Ronaldinyudan ölkəmizə dəstək: “Qoy hər kəs salamat evlərinə qayıtsın”

Dağlıq Qarabağ savaşı dünyanın diqqət mərkəzindədir. Allsport.az saytı xəbər verir ki, futbol əfsanəsi Ronaldinyu da terrorçu Ermənistanın törətdiklərinə biganə qalmayıb. Braziliya millisinin keçmiş hücumçusu sosial şəbəkə paylaşımında Azərbaycana dəstək olub:

“Azərbaycandan olan bütün insanlara salam göndərirəm. Qoy hər kəs salamat evlərinə qayıtsın. Azərbaycanda mən çox gözəl qarşılandım. Tezliklə ora qayıtmaq istəyirəm”.
 
“Qremio”, “Flamenqo”, “Atletiko Mineyro”, “Fluminense” (hamısı – Braziliya), PSJ (Fransa), “Barselona” (İspaniya), “Milan” (İtaliya) və “Keretaro” (Meksika) klublarında oynamış Ronaldinyu 1999-2013-cü illərdə yığmada 97 oyunda 3 qol vurub. 2002-ci ilin dünya çempionu, 2004 və 2005-ci illərdə FİFA-nın “İlin futbolçusu”, 2005-ci ildə “France Football”ın “Qızıl top” mükafatına yiyələnib.