“Ronaldinyuya “Qarabağ”ın köynəyini hədiyyə etdim”

“Qarabağ”ın keçmiş futbolçusu Reynaldu əfsanəvi braziliyalı Ronaldinyu ilə bağlı xatirə bölüşüb. Allsport.az saytı xəbər verir ki, o, İnstaqram səhifəsində həmyerlisi ilə şəklini paylaşaraq yazıb:

“Ronaldinyu ilə Bakıda görüşümü yaxşı xatırlayıram. Onunla bu şəkli də o vaxt çəkmişdim. Bir az söhbət etdik. Amma nə haqda danışdığımız indi yadımda deyil. O zaman ona “Qarabağ”ın köynəyini hədiyyə etdim. Maraqlı görüş oldu”.

Xatırladaq ki, dünya çempionu “Qəbələ” futbol klubunun dəvəti ilə 2016-cı ildə ölkəmizdə olub.