Ronaldu azərbaycanlının yolu ilə gedir

Portuqaliya millisinin futbolçusu Kriştianu Ronaldu yığmada 101-ci qolunu vurub. Allsport.az xəbər verir ki, 35 yaşlı hücumçu buna Millətlər Liqasının 2-ci turunda səfərdə İsveçə 2:0 hesabı ilə qalib gəldikləri oyunda nail olub.

O, komandasının hər iki qolunu vurub. Ronaldo millidə 100 qol səddini aşan 2-ci futbolçudur.

Ulduz futbolçu qol sayında İran yığmasında oynamış azərbaycanlı hücumçu Əli Daeidən geri qalır. Ərdəbilli hücumçunun hesabında 109 qol var.