Ronaldu milliyə dəvət alıb

Portuqaliya millisinin məşqçilər heyəti komandanın qarşıdakı millətlər liqası oyunları üçün iştirak ərizəsini təqdim edib.

Allsport.az xəbər verir ki, Səudiyyə Ərəbistanının “Əl-Nəsr” klubunun 39 yaşlı hücumçusu Kriştianu Ronaldu bu matçlar üçün zəng alıb.

Portuqaliya millisi sentyabrda iki oyun keçirəcək. Millətlər liqasının qrup mərhələsi çərçivəsində Roberto Martinesin yetirmələri Xorvatiya və Polşa komandaları ilə qarşılaşacaq. Qarşılaşmalar müvafiq olaraq sentyabrın 5-də və 8-də baş tutacaq.