Ronaldudan rekord

Portuqaliya millisinin hücumçusu Kriştianu Ronaldu millətlər liqası finalları tarixinin ən yaşlı iştirakçısı olub.

Allsport.az xəbər verir ki, 40 yaşlı futbolçu Xorvatiya millisinin yarımmüdafiəçisi Luka Modriç (37 yaş 282 gün, 2023-cü ildə İspaniyaya qarşı) və İspaniyanın müdafiəçisi Xesus Navası (37 yaş 209 gün, eyni oyun) qabaqlayıb.

Ronaldu final oyununda qol da vurmağı bacarıb. Görüşün əsas və əlavə vaxtı 2:2 hesabı ilə başa çatıb. Penaltilər seriyasında isə portuqaliyalılar 5:3 hesablı qələbəyə seviniblər.