Rusiya penaltilərlə İspaniya millisinə qalib gəldi

Rusiya-2018 Dünya Kubokunda 1/8 final davam edir. Allsport.az saytı xəbər verir ki, bu gün mərhələnin 3-cü oyununda Moskvanın “Lujniki” stadionunda ev sahibi ilə İspaniya millisi qarşılaşıb.

Görüş dünya çempionunun tam üstünlüyü ilə keçsə də, pirineylilər 120 dəqiqə ərzində cəmi 1 dəfə rəqib qapısına yol tapıb. Ruslar da müdafiədə ağıllı oynayaraq ilk yarıda buraxılan qolun əvəzini penaltidən çıxıblar.

Qalibi bəlli etmək üçün vurulan 11-metrlik cərimə zərbələrində meydan sahibləri 4:3 qalib gəliblər.