Rusiyalı idmançılar hansı şərtlərlə beynəlxalq yarışlara buraxılacaq?

Beynəlxalq olimpiya komitəsi rusiyalı idmançıların beynəlxalq yarışlara buraxılması üçün şərtləri açıqlayıb. Allsport.az saytı xəbər verir ki, BOK onlara bitərəf imtiyazda mübarizə aparmağı təklif edib.

Bu, olimpiya xartiyasına əməl edən, başqa sözlə, Ukraynaya hərbi müdaxiləni dəstəkləməyən, həmçinin Ümumdünya antidopinq agentliyinin qaydalarına əməl edənlərə aiddir. Həmçinin, bütün idmançılar fərdi yoxlamalardan keçməli olacaqlar.

BOK-un yaydığı bilgidə heç bir ayrı-seçkilik tətbiq etmədən, bütün idmançıların hüquqlarına hörmət edilməsinin zəruriliyi qeyd olunub.