Ruslan Abışov: Moldova millisi ilə görüşdə bizə yalnız qələbə lazımdır

Azərbaycan millisinin müdafiəçisi Ruslan Abışov noyabrın 17-də qarşılaşacaqları Moldova ilə yoldaşlıq oyunu haqda danışıb. Allsport.az saytı xəbər verir ki, o, “ay-ulduzlular”ımızın yalnız qələbəyə oynayacağını bildirib:

“Moldova ilə oyun bizim üçün çox önəmlidir. Bizə yalnız qələbə lazımdır. Matçın Bakı Olimpiya stadionunda keçirilməsi ilə bağlı qərarı AFFA verib. Biz futbolçular bunu müzakirə etməməliyik. Harada lazımdırsa, orada da oynamalıyıq”.

Qeyd edək ki, noyabrın 17-də Bakı Olimpiya stadionunda keçiriləcək Azərbaycan – Moldova oyunu saat 21:00-da başlayacaq.