Rüstəm 82 dəqiqə oynadı

Ukrayna premyer liqasında 16-cı turun oyunları keçirilib.

Allsport.az xəbər verir ki, azərbaycanlı futbolçular – Rüstəm Əhmədzadə ilə Eldar Quliyevin formasını geyindiyi “Minay” da növbəti matçına çıxıb.

Sözügedən kollektiv doğma meydanda Kiyev “Dinamo”su ilə qarşılaşıb. Futbolçularımızın komandası bu oyundan məğlubiyyətlə ayrılıb – 0:2.

Rüstəmlə Eldar da bu oyunun iştirakçısı olub. Onların hər 2-si start heyətdə meydana çıxıblar. Quliyev sonadək oynadığı halda, Əhmədzadə 82-ci dəqiqədə əvəzlənib.

16 turdan sonra 10 xalı olan “Minay” 16 kollektiv arasında 15-ci pillədə qərarlaşıb.