“Səviyyə baxımından rəqibdən geri qalmadıq”

Bu gün “Qəbələ” premyer liqanın 7-ci turunda evdə “Qarabağ”a 1:2 yenildi. Allsport.az saytı xəbər verir ki, mətbuat konfransında meydan sahiblərinin baş məşqçisi Elmar Baxşiyev məğlubiyyətə aydınlıq gətirdi:

“Görüşün ağır olacağını bilirdik. “Qarabağ” yaxşı təşkilatlanmış komandadır. Bu üzdən, irəlidə oynamağa qərar vermişdik.

Səviyyə baxımından rəqibdən geri qalmadıq. Ola bilərdi ki, hesabda uduzmayaq. Oyundan-oyuna inkişaf etdiyimizi görürəm. Mənim istədiyim də budur”.