“Səbail”in müdafiəçisi Gürcüstan yığmasına dəvət alıb

“Səbail”in gürcüstanlı legionçusu Tamazi Tsetsxladze ölkəsinin 21 yaşadək futbolçulardan ibarət yığmasına dəvət alıb.

Allsport.az saytı xəbər verir ki, komandanın baş məşqçisi Giorgi Geguçadzenin Avropa çempionatının seçmə mərhələsində Polşa ilə keçiriləcək oyun üçün açıqladığı heyətdə komandamızın gənc müdafiəçisinin də adı var.

Gürcüstan – Polşa matçı sentyabrın 1-də Qori şəhərində Tengiz Burjanadze adına stadionda keçiriləcək.