Şəhriyar Əliyev: “İnter”lə heç-heçə də pis nəticə sayılmamalıdır”

Topaz Premyer Liqasında 14-cü turunun oyunları çərçivəsində keçirilən və qolsuz bərabərliklə yekunlaşan “Kəpəz” – “İnter” oyununun nəticəsi ilə Gəncə klubunun futbolçuları da barışmır. Allsport.az xəbər verir ki, bunu klub saytına açıqlamasında “sarı-göylər”in üzvü Şəhriyar Əliyev qeyd edib.

“Zəif çıxış etmədik, hətta yaxşı oyunlarımızdan birini keçirdik. Sadəcə, bəxtimiz gətirmədi. Qol vurmaq üçün çoxlu şansımız oldu, amma vura bilmədik. Rəqibin qapıçısı yaxşı oynadı. Qələbə qazanmalı idik, heç-heçə də pis nəticə sayılmamalıdır. Qarşıdakı oyunlara baxacağıq”.