Səudiyyə Ərəbistanı DÇ-2030-dan imtina edib

Səudiyyə Ərəbistanı 2030-cu il dünya çempionatına ev sahibliyi etmək fikrindən imtina edib.

Allsport.az xəbər verir ki, Səudiyyə Ərəbistanı , Yunanıstan və Misir 2030-cu ildə keçiriləcək dünya çempionatına ev sahibliyi etmək üçün birgə iddia təqdim etməli idi.

Bununla belə, real imkanların ətraflı araşdırılmasından sonra Səudiyyə Ərəbistanı hakimiyyəti bu ölkələrin artıq gördüyü işləri nəzərə alaraq, İspaniya, Portuqaliya və Mərakeşin birgə tətbiqinə qalib gəlməyin mümkün olmadığı qənaətinə gəlib.

Səudiyyə Ərəbistanının xarici işlər naziri Feysəl ibin Fərhan Əl Səud son saatlarda Yunanıstan və Misir rəsmiləri ilə əlaqə saxlayıb, onlara ölkənin 2030-cu il dünya çempionatına ev sahibliyi etmək iddiasında olmayacağı barədə məlumat verib.

İspaniya, Portuqaliya və Mərakeş hələ də Argentina, Uruqvay, Çili və Paraqvayla rəqabət apara bilər. Turnirin ev sahibləri 2024-cü ildə bəlli olacaq.