“Sabah”ın tarixində ilk

“Sabah” premyer liqada ardıcıl ikinci qələbəsini qazanıb.

Allsport.az xəbər verir ki, 8-ci turda “Sumqayıt”ı 3:0 hesabı ilə məğlub edən Bakı təmsilçisi 9-cu turda “Qəbələ”ni üstələyib – 3:1. Bu, klub tarixində 5-ci belə seriyadır. Bunadək “Sabah” 4 dəfə ardıcıl 2 qələbə qazanmağı bacarıb.

Lakin əvvəlki seriyalardan yalnız birində – 2020-ci ilin sentyabrında 2 matçın top fərqi indiki kimi 5-ə bərabər olub. Həmin vaxt “Qəbələ”ni 3:0, “Zirə”ni 2:0 hesabı ilə yenən paytaxt təmsilçisi rekord seriyasını bu dəfə təkrarlayıb.

Bakılılar premyer liqada ilk dəfə ardıcıl 2 görüşdə 3 qol vurub. Tarixində cəmi 7 matçda ikidən artıq top vuran komanda bunadək heç vaxt ardıcıl məhsuldar qarşılaşma keçirməmişdi.