“Sağsağanlar”da ciddi itki

“Nyukasl”ın yarımmüdafiəçisi Coelinton uzun müddətlik sıradan çıxıb.

Allsport.az xəbər verir ki, klubun baş məşqçisi Eddi Hounun sözlərinə görə, 27 yaşlı yarımmüdafiəçi omba nahiyəsindən aldığı zədə səbəbindən ən azı 6 həftə meydana çıxa bilməyəcək.

Futbolçu İngiltərə kubokunda “Sanderlend”lə matçda (3:0) zədələnib. Bu mövsüm o, bütün turnirlərdə 23 oyun keçirib, 3 qol vurub və 4 məhsuldar ötürmə edib.