“Şah oyun”da sürpriz qonaq

Hazırda Lənkəranda Topaz Premyer Liqasının 13-cü turu çərçivəsində “Xəzər Lənkəran” – “Neftçi” oyunu keçirilir. Allsport.az xəbər verir ki, ilk yarıdan sonra komandalar hesabı aça bilməyiblər.

Əslində, qol vurulmasa da, “Şah oyun” bu dəfə də gərgin və maraqlı idman mübarizəsi şəraitində keçir. Amma qarşılaşmanın fasiləsi də azarkeşlər üçün maraqsız keçməyib. Belə ki, futbolçular meydanı tərk edib, paltardəyişmə otağına yollanandan az sonra qazona… it çıxıb. Bu isə tribunalara toplaşan lənkəranlı fanatların gülüşünə səbəb olub. Arenada çalışanların səyləri nəticəsində iti meydandan çıxarmaq mümkün olub.