Samir Abbasov üçün 2-qat sevinc

“Neftçi” premyer liqanın 23-cü turunda “Sabah”ı 1:0 hesabı ilə məğlub edib. Allsport.az saytı xəbər verir ki, bu qələbə “ağ-qaralar”ın baş məşqçisi Samir Abbasov üçün 2-qat əlamətdar olub.

44 yaşlı mütəxəssis karyerasında 75-ci, Bakı klubunun sükanı arxasında 30-cu dəfə qələbəyə sevinib. Karyerası ərzində “Sumqayıt”, “Zirə” və “Neftçi”də çalışmış Samir Abbasov premyer liqada 66, Azərbaycan kubokunda 7, avrokuboklarda 2 dəfə qalib gəlib.

“Ağ-qaralar”ın 30 qələbəsindən 27-si ölkə çempionatı, 1-i Azərbaycan kuboku və 2-si avrokuboklara təsadüf edib.