“San Siro” tələblərlə uyğun gəlmir

Milanın məşhur “San Siro” stadionu 2032-ci ildə keçiriləcək Avropa çempionatının oyunlarına ev sahibliyi etməyəcək.

Allsport.az xəbər verir ki, arena UEFA tələblərinə uyğun deyil.

İtaliya futbol federasiyası bu ilin oktyabrına kimi qarşıdan gələn turnirin keçiriləcəyi yerlərin siyahısını təsdiq etməlidir.

Milan Avropa çempionatına ev sahibliyi edəcək şəhərlərin siyahısına yalnız yeni müasir stadionun tikintisi layihəsi təsdiq olunarsa, düşə bilər.

24 komandanın iştirakı ilə Avro-2032 yeddi ildən sonra eyni vaxtda iki ölkədə – İtaliya və Türkiyədə keçiriləcək.