“Seltik”in futbolçuları qaçqın uşaqlar ilə futbol oynadı

Xəbər verdiyimiz kimi, Çempionlar Liqasının üçüncü təsnifat mərhələsində Azərbaycan çempionu “Qarabağ”ın rəqibi olan Şotlandiyanın ”Seltik” klubu bu gün Bakıya gəlib. Allsport.az xəbər verir ki, Şotlandiya nəhəngi Azərbaycan paytaxtında təqdirəlayiq addımla diqqət çəkib.

Belə ki, komandanın bir neçə üzvü klub rəsmiləri ilə birgə Qarabağdan olan məcburi köçkünlərin yaşadığı qəsəbədə olub. Qlazqolular Zəngilan rayonundan olan məcburi köçkünlərin təhsil aldığı məktəbin şagirdləri ilə futbol da oynayıblar. Görüş Britaniyanın Azərbaycandakı səfirliyinin təşkilatçılığ ilə baş tutub.