Sörlot tarixə düşdü

Norveçli hücumçu Aleksandr Sörlot “Atletiko Madrid”in köynəyi ilə çempionlar liqasında tarixi uğura imza atıb.

Allsport.az xəbər verir ki, “Brügge”yə qarşı keçirilən pley-off mərhələsinin cavab oyununda (4:1) het-trik edən 30 yaşlı forvard, Madrid klubunun tarixinə adını qızıl hərflərlə yazdırıb.

O, “Atletiko”nun tarixində çempionlar liqasının pley-off mərhələsində het-trik edən ilk futbolçu olub.

Sörlot 2014-cü ildə Mario Mancukiçdən sonra klub tarixində çempionlar liqasının bir matçında üç qol vuran ikinci oyunçu olub.

Cari mövsümdə “Atletiko” heyətində 36 oyuna çıxan norveçli hücumçunun aktivində artıq 15 qol var.