Serbiya klubu millimizin sabiq üzvünə yenə şans vermədi

Serbiya Super Liqasında 20-ci turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Branimir Subaşiçin komandası – “OFK Belqrad” da növbəti matçına çıxıb.

Sözügedən klub səfərdə “Radnik”lə qarşılaşıb. Matç Subaşiçin komandasının 1:2 hesablı məğlubiyyəti ilə başa çatıb. Branimir bu qarşılaşmanın iştirakçısı olmayıb.

Qeyd edək ki, “OFK Belqrad” hazırda 18 xalla 16 klub arasında 13-cü pillədə qərarlaşıb.