Siftəsi uğursuz oldu

Ölkə çempionatının ilk turu Adrian Mutunun debütü ilə əlamətdar olub. Allsport.az saytı xəbər verir ki, rumıniyalı mütəxəssis “Neftçi”ni səfərdə “Kəpəz”lə səfər oyununa çıxarıb. Onun siftəsi uğursuz alınıb. Gəncəlilər 1:0 hesabı ilə qalib gəlib.

Mutu Azərbaycan çempionatları tarixinə 61-ci əcnəbi baş məşqçi kimi düşüb. O, premyer liqada 4-cü rumıniyalı olub. Mirça Rednik, Dorinel Muntyanu və Laurentsiu Regekampf onun həmyerliləri olublar.

Mutu “Neftçi”nin tarixində 6-cı əcnəbi mütəxəssisdir. Ona qədər Anatoli Demyanenko, Hans-Yurgen Gede, Vlastimil Petrjela, Roberto Bordin və Laurentsiu Regekampf “ağ-qaralar”a rəhbərlik edib.