Forgot Password New Account

Sinan Öztürk: Gəncə stadionunda Niderland, Türkiyə və Rusiyadan olan mütəxəssislər çalışır

Futbol
29 iyun 2017 / 11:35 Baxış sayı: 1543

AFFA-nın vəsaiti hesabına Gəncə şəhər stadionunun ot örtüyünün dəyişdirilməsi davam edir. Allsport.az saytı xəbər verir ki, idman qurğusunun əsas meydançasında görülən işlər İrlandiyanın SİS şirkəti tərəfindən aparılır. May ayının 11-dən startı verilən işlərin gedişi haqda şirkətin nümayəndəsi Sinan Öztürk kapazpfc.az saytına açıqlama verib:

“Hazırda avtomatlaşdırılmış suvarma sisteminin çəkilişi ilə məşğuluq. Yaxın 3-4 günə bu işlər yekunlaşmalıdır. Bundan əvvəl drenaj sistemini çəkmişik, əsas borunu şəhərin kanalizasiya xəttinə birləşdirmişik. Əraziyə 15 sm qalınlığında şeben vermişik, indi 20 sm qum qatını tökməyə başlayacağıq. Daha sonra torfla qumu qarışdırıb meydana verəcəyik. Bunlar bitdikdən sonra səpin prosesi başlayacaq”.

Sinan bəyin sözlərinə görə, görülməsi planlaşdırılan işlər qrafik üzrə gedir və heç bir axsama yoxdur: “Hər şey qaydasındadır, problemimiz, çətinliyimiz yoxdur. İşlərimiz plan üzrə davam edir. Gələn ayın 20-də səpin prosesi bitmiş olacaq. Meydançada Niderland, Türkiyə və Rusiyadan olan mütəxəssislər çalışır. Görülən işlərə bizimlə uzun zamandır ki, çalışan təcrübəli yerli işçilər də dəstək verir. Ayrıca olaraq ot örtüyünə qulluq edəcək işçilər də inşaata nəzarət edirlər. Gələcəkdə hər hansı bir sual yaranarsa, onlar artıq bütün işlərdən xəbərdar olduqları üçün çətinlik cəkməyəcəklər”.

Həmin kateqoriyadan