“Spartak”ın azərbaycanlı futbolçusu Həbib Nurməhəmmədovun cəzasını ədalətsiz sayır

Moskva “Spartak”ının azərbaycanlı yarımmüdafiəçisi Ayaz Quliyev UFC üzrə yüngül çəkidə dünya çempionu Həbib Nurməhəmmədovun irlandiyalı Konor Makqreqorla döyüşdən sonra baş verən hadisə üzündən Nevada ştatının atletika komissiyası tərəfindən yarışlardan kənarlaşdırılmasına münasibət bildirib.

Allsport.az saytı xəbər verir ki, qafqazlı idmançıya oxşadığı üçün tez-tez onunla müqayisə olunan həmvətənimiz ona verilən cəzanın ağır olduğunu söyləyib: “Çox sərt qərar qəbul edildi. Hamı narahatdır. Hər döyüşündə onu dəstəkləyir və azarkeşlik edirik. Ümid edirəm ki, bu cəza Həbibin qələbə ruhunu öldürməyəcək”.