“Şumaxer əvvəlki kimi olmayacaq”

Keçmiş Formula1 pilotu Mixael Şumaxerin beyin cərrahı Filip Menaşe dünya çempionunun vəziyyəti barədə açıqlama verib.

Allsport.az xəbər verir ki, həkim müalicə edilən Şumaxerin əvvəlki vəziyyətə qayıtmayacağını deyib: “Şumaxerin qəzasından 6 il keçib. Sağalsa, çox şeyin dəyişəcəyi qaçılmazdır. Beyin travması  alanda onurğa sistemində pozulma baş verib. Şumaxerin vəziyyətini hər tərəfdən nəzərə almaq lazımdır. Təkcə beyin travmasının ağırlaşması kimi dəyərləndirmək olmaz”.

7 dəfə dünya çempionu olmuş 50 yaşlı pilot 2013-cü ildə Alp dağlarında  kirşə sürərəkən qəzaya uğrayıb və başından ağır zədə alıb.