“Sumqayıt” 3-cü dövrəsi üçün hazırlığa start verib

“Kimyaçılar” 13 günlük istirahəti başa vuraraq Premyer liqanın 3-cü dövrəsi üçün hazırlığa start verib. Allsport.az saytı xəbər verir ki, komanda baş məşqçi Samir Abbasovun rəhbərliyi ilə 2017-ci ildə Sumqayıtda ilk məşqini keçirib. “Göy-ağlar” ilk məşq günündə dəniz kənarında qaçışla kifayətlənib.

Süleyman Əhmədov U-19 millisinin heyətində yer aldığı üçün hazırlıq prosesinə nisbətən gec qoşulacaq. Bundan başqa, baş məşqçi əvəzedici komandanın 3 futbolçusu – Xaliq İbrahimov, Ülvi Süleymanov və Tural Bayramlını əsas heyətə cəlb edib.