“Sumqayıt” Erik Sorqa ilə müqavilə imzalayıb

Allsport.az xəbər verir ki, 2023/24 mövsümü üçün transfer çalışmalarını davam etdirən Sumqayıt klubu ilk əcnəbi futbolçu keçidini həyata keçirib.

Komanda son mövsüm Bolqarıstanın “Lokomotiv Plovdiv” klubunda çıxış etmiş estoniyalı hücumçu Erik Sorqa ilə 1+1 illik müqavilə imzalayıb.

Sorqa karyerası ərzində Estoniyanın “Legion”, “Flora”, ABŞ-nin “Loudoun Yunayted”, “Di Si Yunayted”, Niderlandın “Venlo”, İsveçin “Höteborq” və Bolqarıstanın “Lokomotiv Plovdiv” klublarının şərəfini qoruyub. 24 yaşlı hücumçu Estoniyanın U-16, U-17, U-19, U-21 və əsas yığma komandalarına da cəlb olunub.