Sumqayıt və Qubada məşğələ

2022/23-cü illər mövsümünə hazırlıqla əlaqədar oğlanlar, qızlar, həvəskarlar, region və futzal liqalarındakı komandaların nümayəndələri və onlayn qeydiyyatını aparacaq şəxslərlə görüşlər keçirilib. Allsport.az saytı xəbər verir ki, ilkin treninqlər 31 may və 1 iyunda müvafiq olaraq Sumqayıtda və Qubada olub.

Görüşlərdə yeni mövsüm üçün qeydiyyatın başlanması və son tarixləri, qeydiyyat zamanı yeni tətbiq ediləcək sənəd (azyaşlı həvəskar futbolçu təlim müqaviləsi), dəyişən qeydiyyat qaydaları və “Futbola qoşul” onlayn qeydiyyat platformasında yeni tətbiq ediləcək “Yarışların idarəetmə sistemi” bölməsi haqqında məlumatlar verilib.