“Sumqayıt”ın apellyasiyası təmin edilmədi

AFFA apellyasiya arbitraj tribunalı “Sumqayıt” klubunun şikayətinə baxıb.

Allsport.az xəbər verir ki, qurum “gənclik şəhəri” təmsilçisinin şikayətini təmin etməyib.

AFFA intizam komitəsinin oktyabrın 29-da Murad Xaçayev haqqında verdiyi qərar qüvvədə saxlanılıb.

Murad Xaçayev Azərbaycan premyer liqasının 8-ci turunda səfərdə “Sabah”a 0:3 hesabı ilə uduzduqları matçında “aqressiv hərəkət”ə görə birbaşa qırmızı vərəqə alaraq meydançadan kənarlaşdırılıb. Ona 5 oyun cəza, klubuna 4000 manat cərimə kəsilib.