Sürücülərin rəqabətində yenə Sebastyan Fettel, Mühəndislər kubokunda “Mersedes” öndədir

Formula1 üzrə Belçika mükafat yarışındandan sonra pilotların yarış cədvəlinə yenə Sebastyan Fettel (220 bal) başçılıq edir. Allsport.az saytı xəbər verir ki, onun dünya çempionatı mərhələlərində cəmdə 4 qələbəsi var (Avstraliya, Bəhreyn, Monako, Macarıstan).

Lüis Həmilton 213 xalla 2-ci, Valtteri Bottas (hər ikisi – “Mersedes”) ) 179 xalla 3-cüdür. Adı ilk çəkilən idmançı bu mövsüm 5 dəfə qalib olub (Çin, İspaniya, Kanada, Böyük Briyaniya, Macarıstan). O, cari rəqabətdə ilk dəfə “Günün sürücüsü” seçilib.

“Mersedes”in finlandiyalı üzvü 2 dəfə fərqlənib (Rusiya, Avstriya). Azərbaycan qran-prisi yalnız Daniel Rikkardoya (“Red Bull”) düşərli olub.

Mühəndislər kubokunda “Mersedes” komandası yenə hamını qabaqlayır: 392 xal! 2-ci sırada 348 xalla “Ferrari”, 3-cüdə “Red Bull Racing” (199) dayanır.