Sxadadze: “Neftçi” şansından maksimum istifadə etdi, biz isə yox”

“İnter”in baş məşqçisi Kaxaber Sxadadze Azərbaycan Kubokunun yarımfinal mərhələsi çərçivəsində “Neftçi”yə qarşı keçirdikləri oyunu şərh edib. Allsport.az xəbər verir ki, “bankirlər”in gürcü çalışdırıcısı 0:2 hesabıyla bitən qarşılaşmadan sonra bunları söyləyib:

“Kubok oyunu çempionat oyunlarından fərqlənir. Səfərdə oynayan komanda üçün çox önəmlidir ki, ilk oyunda qol vursun. Bizim bu cür imkanlarımız oldu, amma yararlana bilmədik. “Neftçi” şansından maksimum istifadə etdi, qələbə münasibəti ilə rəqibi təbrik edirəm. Biz indi bu oyunu unudub, qarşıdakı matçlara hazırlaşmalı və mövsümü ən yaxşı şəkildə başa vurmalıyıq”.