Tamaşaçılar idmançıların ürək döyüntülərini ekranda görə biləcək

Tokioda əcnəbi azarkeşlər olmadan keçiriləcək olimpiya oyunlarının televiziya tamaşaçıları idmançıların ürək döyüntülərini ekranda görə və atletləri onlayn alqışlarla dəstəkləyə biləcəklər.

Allsport.az saytı xəbər verir ki, bu “dördillik”də ən yeni xüsusi effekt texnologiyalarından istifadə olunacaq.

Məsələn, oxatma yarışında idmançının ürək döyüntüləri ekranda göstəriləcək. Bundan əlavə, yay kamandan buraxılan anda atletin adrenalin səviyyəsinin necə yüksəldiyini də müşahidə etmək mümkün olacaq.