Ten Haq: “Eriksen bu mövsüm mütləq oynayacaq”

“Mançester Yunayted”in baş məşqçisi Erik ten Haq zədəli yarımmüdafiəçi Kristian Eriksenin vəziyyəti haqda danışıb .

Allsport.az xəbər verir ki, danimarkalı futbolçu yanvarın sonunda İngiltərə kubokunun 1/16 finalında “Ridinq”lə oyunda (3:1) zədələnmişdi. Ten Haq Eriksen haqda deyib:

“Düşünürəm ki, o, bu mövsüm mütləq oynayacaq. Eriksenin nə qədər vaxta hazır olacağını indidən deyə bilmərəm, amma düşünürəm ki, onun reabilitasiya prosesində irəliləyiş nəzərə çarpır. Hər şey plan üzrə gedir. Buna görə də Erikseni mütləq görəcəyik. Ancaq bu, mart ayındakı beynəlxalq fasilədən əvvəl olmayacaq.

Eriksen komanda ilə məşqlərdə iştirak edir. Ancaq, əlbəttə ki, hazırda onun əsas məqsədi mümkün qədər tez sağalmaqdır. Çünki bütün oyunçulara ehtiyacımız var”.