“Tez qol buraxdıq, sadə səhvlər etdik”

“Turan Tovuz” premyer liqanın 13-cü turunda evdə “Şamaxı”ya 1:3 uduzub. Allsport.az saytı xəbər verir ki, mətbuat konfransında meydan sahiblərinin baş məşqçisi Ayxan Abbasov bunu deyib:

“Çətin oyun olacağını bilirdik. Rəqibi təbrik edirəm. Bu gün bizdən həm istəkli idilər, həm də oyunları yaxşı alındı. Çempionat uzun marafondur. Belə oyunlar olur. Köklənirsən, qələbə qazanmaq istəyirsən, amma təəssüf ki, alınmır. Tez qol buraxdıq, sadə səhvlər etdik. Toparlanmalıyıq. İtkilərimiz var idi”.