Topaz Premyer Liqasında 12-ci tur rəqəmlərdə

Bu həftə Topaz Premyer Liqasında 12-ci turun görüşləri keçiriləcək. Allsport.az xəbər verir ki, milli komandaların oyunları ilə əlaqədar yaranacaq fasilə ərəfəsində keçiriləcək turun 5 oyunu 3 gün ərzində baş tutacaq.

Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edir.

Topaz Premyer Liqası
12-ci tur
7 noyabr (şənbə)

58. AZAL –  “Kəpəz” –  13 oyun, +9=2-2, top fərqi 22-6

AZAL indiyədək evdə qol buraxmayıb. Paytaxt təmsilçisi son 4 ev qarşılaşmasında qalib gəlib. Gəncə təmsilçisi 6 səfər oyununda 1 xal qazanıb.

58. “Zirə” – “Sumqayıt”  – 1 oyun, +0=1-0, top fərqi 0-0

Cari mövsümədək qarşılaşmayan komandalar ilk dəfə I dövrədə görüşüb. Həmin oyunda qolsuz heç-heçə ilə kifayətlənən rəqiblər ilk dəfə Bakıda üz-üzə gələcək.

8 noyabr (bazar)

59. “Xəzər Lənkəran” – “Qarabağ”  – 33 oyun, +12=5-16, top fərqi 37-37

“Qarabağ” son 6 oyunda meydanı qolsuz tərk etməyib. “Xəzər Lənkəran”ın son 3 ev oyununda hər iki komanda qol sevinci yaşayıb.

 60. “Neftçi” – “Rəvan” – 9 oyun, +8=0-1, top fərqi 14-5

“Neftçi” son 6 qarşılaşmada qalib gəlib. “Rəvan” indiyədək səfərdə xal qazana bilməyib.

9 noyabr (bazar ertəsi)

57. “Qəbələ” – “İnter” – 29 oyun, +6=9-14, top fərqi 24-43

Son 4 oyunda hər iki komanda qol vurub. “İnter” son 3 səfər matçında uduzmayıb.