Topaz Premyer Liqasında 12-ci tura start verilir

Bu gün Topaz Premyer Liqasında 12-ci tura start verilir. Allsport.az xəbər verir ki, ilk oyun günündə iki görüş baş tutacaq.

Turun açılış matçında AzAL son dövrlər yaxşı formada olan “Kəpəz”lə münasibətlərinə aydınlıq gətirəcək.

Günün digər oyununda isə mövsümün sürpriz komandası, debütant “Zirə” doğma meydanda Samir Abasovun gəlişindən sonra yalnız ötən tur “Neftçi”yə məğlub olmuş “Sumqayıt”ı qəbul edəcək.

Topaz Premyer Liqası
12-ci tur
7 noyabr (şənbə)

16:30. AzAL – “Kəpəz”
Hakimlər: Fariz Yusifov, Cavanşir Yusifov, Namiq Hüseynov, Ramil Diniyev.
Bakı. “AzAL Arena”.

18:30. “Zirə” – “Sumqayıt”
Hakimlər: Əliyar Ağayev, Zeynal Zeynalov, Akif Əmirəli, Elvin Əsgərov.
Zirə İdman Kompleksinin stadionu.

Turun digər oyunları: 8 noyabr (16:00. “Xəzər Lənkəran” – “Qarabağ”, 18:00. “Neftçi” – “Rəvan”). 9 noyabr (16:00. “Qəbələ” – “İnter”).

Bombardirlər:
5 – Riçard Almeyda (“Qarabağ”).
4 – Aleksey Qay (“Qəbələ”), Aleksey Antonov (“Qəbələ”), Samuel Armenteros (“Qarabağ”), Junior Osvaldo (“Kəpəz”), Rahid Əmirquliyev (“Xəzər Lənkəran”).