Topaz Premyer Liqasında 16-cı tur rəqəmlərdə

Bu həftə Topaz Premyer Liqasında 16-cı turun oyunları keçiriləcək. Allsport.az xəbər verir ki, dekabrın 11-də baş tutacaq 3 matçla start götürəcək tur birgünlük fasilədən sonra – ayın 13-də bitəcək.

Həftənin mərkəzi oyunları liderlər qrupunda qərarlaşan “Qarabağ”la “Zirə”, həmçinin iddialılar – “Nefrçi” ilə “Qəbələ” arasında keçiriləcək. Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edir.

 Topaz Premyer Liqası
16-cı tur
11 dekabr (cümə)

79. “Kəpəz” – “Rəvan” – 9 oyun, +6=0-3, top fərqi 14-15

10-cu dəfə qarşılaşacaq komandalar indiyədək heç-heçə etməyib. “Kəpəz” ardıcıl 2 oyundur qalib gəlir. Son 6 matçda ən azı 2 qol vurulub.

80. “İnter” – “Sumqayıt” – 13 oyun, +8=4-1, top fərqi 19-5

Son 4 oyundan 3-də heç-heçə qeydə alınıb. Sumqayıtın eyniadlı klubu 4 matçdır uduzmur. “İnter” öz meydanında cəmi 1 qol buraxıb. “Sumqayıt” səfərdə 1 xal qazanıb.

13 dekabr (bazar)

78. AZAL – “Xəzər Lənkəran” –29 oyun, +5=9-15, top fərqi 23-39

AZAL son 3 ev oyununda uduzmayıb. “Xəzər Lənkəran” son 2 qarşılaşmada xal itirməyib.

76. “Zirə” – “Qarabağ” – 1 oyun, +0=0-1, top fərqi 1-4

Komandalar ilk dəfə Zirə təmsilçisinin meydanında qarşılaşacaq. İndiyədək baş tutan yeganə matçda böyük hesab qeydə alınıb. “Qarabağ” ev oyununda 3 top fərqilə qalib gəlib.

77. “Qəbələ” – “Neftçi” – 29 oyun, +9=7-13, top fərqi 28-39

Son 7 qarşılaşmada meydan sahibi olan komanda qalib gəlməyib. Ardıcıl 3 görüşdə qonaq komanda 3 xal qazanıb. “Neftçi” ardıcıl 2 dəfə uduzub.