Topaz Premyer Liqasında 17-ci tur rəqəmlərin gözü ilə

Bu həftə Topaz Premyer Liqasında 17-ci turun oyunları keçiriləcək. Allsport.az xəbər verir ki, dövrənin son turunda üz-üzə gələn komandalar mövsümdə ikinci dəfə qarşılaşacaq.

3 gün davam edəcək turun mərkəzi oyununda liderlər qrupunda qərarlaşan “Qəbələ” və “Zirə” görüşəcək. Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edir.

Topaz Premyer Liqası
17-ci tur
15 dekabr (çərşənbə axşamı)

83. “Rəvan” – “İnter” – 9 oyun, +0=0-9, top fərqi 5-22

Əvvəlki 9 qarşılaşmanın hamısında qol vuran “İnter” bütün oyunlarda qalib gəlib. “Rəvan” iki matçdır qol vura bilmirsə, son 7 paytaxt derbisində isə “İnter” 2 və ya daha çox qola imza atıb.

16 dekabr (çərşənbə)

81. “Qarabağ” – “Sumqayıt” – 13 oyun, +8=1-4, top fərqi 26-7

“Qarabağ” son 4 qarşılaşmadan üçündə qalib gəlib. Ağdamlılar ardıcıl 5 ev oyununda qələbə qazanıb. “Sumqayıt” son 3 səfərdə qol vura bilməyib.

* – texniki nəticə top fərqində nəzərə alınmayıb.

85. “Zirə” – “Qəbələ” – 1 oyun, +0=1-0, top fərqi 0-0

Komandalar ilk dəfə “Zirə”nin meydanında üz-üzə gələcək. Bu matçda rəqiblərin duellərindəki ilk qol vurula bilər. Belə ki, yeganə matçda qol qeydə alınmayıb.

17 dekabr (cümə axşamı)

82. “Neftçi” – AZAL – 27 oyun, +13=8-6, top fərqi 44-23

“Neftçi” ardıcıl 5 matçda meydanı qolsuz tərk etmir. Amma “ağ-qaralar” son 4 oyunda cəmi 1 qələbə qazanıb. Son 9 ev oyununda uduzmayan “Neftçi” cəmi 2 dəfə xal itirib.

84. “Xəzər Lənkəran” – “Kəpəz” – 13 oyun, +10=1-2, top fərqi 20-9

“Xəzər Lənkəran” əvvəlki 13 oyunun yalnız birində qol vura bilməyib. Səfərdə qələbə qazanmayan “Kəpəz” rəqib meydanındakı son 4 matçda quru hesabla uduzub.