Turamın “İnter”ə transferi yekunlaşır

Hücumçu Markus Turam çərşənbə axşamı Milana gedəcək. 

Allsport.az xəbər verir ki, səfərdə məqsəd “İnter”ə keçidi başa çatdırmaqdır. 25 yaşlı fransalı tibbi müayinədən keçəcək və Milan təmsilçisi ilə 5 illik müqavilə imzalayacaq.

Daha əvvəl Turamın ildə 6-6,5 milyon avro alacağı bildirilirdi.

Futbolçu Münxenqladbax “Borussia”sı ilə müqaviləsi başa çatdıqdan sonra azad agent kimi “İnter”ə keçəcək.

Turam ötən mövsüm “Borussiya”nın heyətində bundesliqada 30 oyun keçirib, 13 qol vurub və 6 məhsuldar ötürmə verib.