“Turan Tovuz”dan növbəti transfer

Tovuz təmsilçisi Budaq Nəsirovu transfer edib. Allsprot.az saytı xəbər verir ki, 26 yaşlı futbolçu ilə 3 illik rəsmi müqavilə bağlanıb.

Tovuz futbolunun yetirməsi olan yarımmüdafiəçi “Turan”, “Sumqayıt”, “Araz Naxçıvan”, “Kəpəz”, “Sportinq”də (Portuqaliya) çıxış edib O, aşağı yaş qrupları yığmaları ilə yanaşı, əsas millidə də yer alıb.

“Turan Tovuz” bundan əvvəl Aydın Bayramov, Fərid Nəbiyev, Sərtan Taşkın, Martin Detelinov Petkov, Bruno Qonçalves, Otto Con, Luis Henrike Paçu Lira, Bruno Qonçalves Do Pradonu heyətə qatıb.