“Türk azarkeşlərin olması böyük məsuliyyətdir”

Türkiyə millisinin baş məşqçisi Vinçenzo Montella Avro-2024-ün qrup mərhələsinin 1-ci turunda Gürcüstanla oyun öncəsi mətbuat konfransı keçirib.

Allsport.az xəbər verir ki, o,sabahkı matçdan əvvəl deyib:

“Almaniyada oynamağımız və orada əsasən türk azarkeşlərin olması böyük məsuliyyətdir. Türkiyə bayrağını qürurlandırmalıyıq. Bəzən bəzi futbolçuların millidə oynaması vaxt apara bilər. Daha çox mövqelərdə oynaya biləcək futbolçularımız var. Bizi təəssüfləndirən  şanssız zədələr oldu. Bu futbolda ola biləcək durumdur. Ferdi və Zeki kimi iki önəmli oyunçumuz var. Çox güman ki, sağalacaqlar. Amma bu oyunçuları ilk matçda riskə atmaq istəmirəm. Komanda ilə məşqə başlayıblar. Yüz faiz hazır olanda oynayacaqlar”.