Türkiyə çempionu azərbaycanlı qolçu ilə müqavilə bağladı

“Bursaspor” millimizin futbolçusu Namiq Ələsgərov ilə müqavilə imzalayıb. Allsport.az saytı xəbər verir ki, Türkiyənin 1-ci liqa təmsilçisi bununla bağlı Tvitter səhifəsində paylaşım edib.

26 yaşlı yarımmüdafiəçi ilə anlaşmanın detalları barədə bilgi verilməyib. O, 2017-ci ildən “Neftçi”də çıxış edib. 2020/2021-ci il mövsümündə Azərbaycan premyer liqasının qalibi olub.

Futbolçu həmin mövsüm 19 qolla çempionatın bombardiri adını da qazanıb.