Türkiyənin Anadolu Agentliyi paytaxt qran-prisi ilə bağlı geniş videomaterial hazırlayıb

Türkiyənin Anadolu Agentliyi Formula-1 Avropa qran-prisi yarışına hazırlıq işləri barədə geniş videomaterial yayıb. Allsport.az saytının məlumatına görə, materialda bu yarışının keçiriləcəyi yerlər, hazırlıq işlərinin yüksək səviyyədə aparılması, idmançılar və azarkeşlər üçün xidmətlər və s. məsələlər əks etdirilir.

Diqqətə çatdırılır ki, son illər beynəlxalq yarışların təşkilində böyük təcrübə əldə edən Azərbaycan Formula-1  yarışını beynəlxalq standartlara uyğun keçirmək üçün geniş imkanlara malikdir. Videomaterial Bakı şəhərinin inkişafı barədə də tamaşaçılarda əyani təsəvvür yaradır. Çəkiliş Türkiyənin digər kütləvi informasiya vasitələri tərəfindən də yayılır.