Türkiyə Avro-2024-ə qələbə ilə başladı!

Almaniyada futbol üzrə Avropa çempionatında “F” qrupunun ilk tur matçında Türkiyə millisi Gürcüstana qalib gəlib. Allsport.az saytı xəbər verir ki, ilk hissədə rəqiblər qol mübadiləsi aparıblar – Mərd Muldur və Georges Mikautadze fərqləniblər.

Növbəti 45 dəqiqədə türkiyəlilər qələbəni qoparmağı bacarıblar. Öncə “Real Madrid”in futbolçusu Arda Gülər ​​gözəl qol vurub. Kərəm Ağtürkoğlu isə final fitinə az qalmış boş qalmış qapını dəqiq nişan alıb – 3:1.